IREO ANKIZIN’NY LALANA (LES ENFANTS DE A RUE)
Araka ny traikefan’ny Samu Social International, izay niasa nanomboka tamin’ny taona 1998
Ary koa araka ny fampiofanana teo anivon’ny fikambanana Grandir à Antsirabe, natao tamin’ny taona 2016 niarahana tamin’i Manon, izay mpianatra tao amin’ny DU « Tanora sy ankizin’ny lalana » avy amin’ny SSI ary i Noro, mpandrindra ny Programme de Protection des Enfants des Rues (PPER), Grandir à Antsirabe.
→ Cliquez ici pour la traduction malagasy
#4 – LALANA : TONTOLON’NY HERISETRA
Ireo ankizy izay nametraka paik’ady hivelomana eny amin’ny lalana (Teboka famantarana faha 3) dia miatrika herisetra amin’ny endriny isan-karazany.
Tsy misy fiarovana izy ireo ary tsizarizary manoloana ny tontolon’ny lalana.
Ireo karazana herisetra :
1/ Herisetra amin’ny fitsarana ivelany sy ny fanilihan’ny fiaraha-monina
Ny fitsarana ivelany ny ankizin’ny lalana (tsarain’ny fiaraha-monina hoe ratsy taiza sy maditra) dia avy amin’ny tsy fahalalana ny zavatra iainan’ireo ankizy.
Voailika izy ireo noho ny famaritana izay napetraka taminy.
2/ Herisetra ao anatin’ny vondron’ireo ankizy
Ireo herisetra amin’ny samy ankizy ireo – mahery setra, sinto-mahery, mifanompa na mifamono – dia avy amin’ny alalan’ny fiovan’ny fijeriny ny tenany sy ny fijeriny ny hafa.
Io fiovana io dia fiovana tsy afa-miala amin’ny fiainana eny amin’ny lalana ary tafiditra ao anatin’ny dingan’ny fivaonana amin’ny rafitra sosialy, izay hitantsika ao amin’ny teboka famantarana manaraka.
3/ Herisetra ateraky ny tsy fitoviana
Io endrika herisetra io dia tsy hita ary tsy hay faritanamazava anefa izy no anisan’ny ratsy indrindra ary tena manimba tanteraka rehefa mandeha ny fotoana. Izany dia vokatry ny fahatapahan’ny fifandraisana amin’nyhafa, ireo izay tsy avy « eny amin’ny lalana ».
4/ Herisetra vokatry ny hery famoretan’ny mpitandro filaminana
Io herisetran’ny mpitandro filaminana io dia miseho amin’ny endriny isan-karazany arakaraky ny firenena. Teraka avy amin’ny alalan’ny fitsarana ivelany ataon’izy ireoamin’ireo ankizy.
« Maraude » : andao ho resahantsika !
Isaky ny alatsinainy sy alakamisy alina amin’ny 8 ka hatramin’ny 11 alina, ny Ekipa Mpirotsaka an-dalambe amin’ny Alina (Equipe Mobile d’Aide – EMA) avy ato amin’ny Grandir à Antsirabe dia mirotsaka eny an-dalambe manao « maraude ». Mamantatra sy mihaona amin’ireo ankizy matory eny an-dalana . Ny EMA dia mampisitraka ireo ankizy matory eny an-dalana fitsaboana, fanabeazana sy fanarahana ara-tsosialy eny amin’ny toerana iainan’izy ireo : eny amin’ny lalana.
Portrait/ Nandrianina : ilay mpisolo vava ny ankizin’ny lalana
Izy ilay tovavy, lava tongotra, mitety sekoly sy fikambanana maro eto Antsirabe (na tsy eto koa). Ny anton-dia ? Manao fanentanana sy mizara traikefa (any amin’ny fikambanana) mahakasika ny fiainan’ireo ankizy miaina eny an-dalana.
Seho Ara-dalana #5: Seho ho an’ny Daholobe!
Nahafantatra ilay seho Ara-dalana #4 tamin’ny volana jolay lasa teo ianao? Ity indray ny andiany faha-5: ny Alarobia 02 oktobra tolak’andro lasa teo tao amin’ny “Salle d’oeuvre Catholique”no nanaovana ny izany, nampitondrana ny anarana hoe: Seho hoa n’ny Rehetra. Nafanan’ireo ankizy miantrano ao amin’ny CHT sy ireo vahiny hafa ny sehatra ka dia tena nahafinaritra tsy nisy toy izany.
Fialana kely amin’ny MAHAZATRA
Ny zoma 30 Aogositra lasa teo, niaraka nivoka kely indray ny mpiara miasa rehetra sy ireo ankizy ao amin’ny Centre d’Hebergement Temporaire(CHT), niverina tany Betafo indray fa mbola tsy afapo! Hafaliana no nandravaka ny tontolo andro! Manasa anao ary hamaky fa tantarainay aminao ny tontolo andro tany 😊
Portrait Tsitoha : Talen’ny fikambanana Grandir à Antsirabe
Nanaiky ny hametraka fanamby lehibe I Tsitoha, ny taona 2014, dia ny ho talean’ny Grandir à Antsirabe. Tsy nitsahatra nitady paik’ady mahomby hampandrosoana ny fikambanana izy nanomboka hatreo. Andeha ary hosoritsoritantsika eto izany lalana nodiaviny izany.
« Aoka fa tsy tsara ny zava-mahadomelina » : fanentanana tao amin’ny CHT
SOLIMEDA, fikambanana mpianatra ho mpitsabo avy any Amiens France, manao fanofanana sy fanentanana miompana amin’ny fahasalamana sy ny fahadiovana. Tanora folo izy ireo no niorim-ponenana vetivety teto Antsirabe mandritra ny iray volana, nanao izany fizarana traikefa izany tamina fikambanana samihafa eto an-toerana, anisan’izany i Grandir à Antsirabe.
I Marion, mpirotsaka an-tsitrapo avy amin’ny Grandir Ailleurs no mitantara aminao ny zavatra hitany sy natrehany !
Hetsika ara-panatanjahan-tena, baolina kitra io : Alefa CHT!
Tretrika anie izao miaraka amin’ny “maillot” miloko volom-parasy ny andaniny, maitso kosa ny ankilany. Mahavariana sy mahatsikaiky ny mahita azy ireo miara-mirona manenjika ny baolina any amin’izay hitarihan’ny iray azy.
Seho Ara-dalana #4 : seho ho an’ny ankizy !
Efa retsika teto kosa ny akon’ny seho tao amin’ny B’Art Haingo sy ny ny tao amin’ny Alliance française tamin’ny taona lasa e ? Dia indro indray ary ny ambangovangon’ny seho andiany faha-4 : tao amin’ny efitrano lehiben’ny kolejy la Providence, ny sabotsy 6 jolay lasa teo. Tolak’andro tao anaty mozika mafana arahana deboka aponga miredona, ravahana dihy mirindra, niarahana tamin’ireo ankizy miantrano ao amin’ny CHT.
Fahasalamana no voalohan-karena, fanentanana SOLIMEDA
Maro ny fifanakalozan-kevitra nandritry ny fanentanana natao tamin’ireo mpanabe. Afaka nilaza hevitra sy nandrava finoanoam-poana samihafa toy ny hoe ny fampiasana kapaoty miteraka fahalemena eo amin’ny lehilahy. Sahy nametraka fanontaniana samihafa ny mpiofana: tsy nisy ny fadifady, tena nahafinaritra!
Portrait: Ursula « la petite fée des soins » ao amin’ny CHT sy mandritra ny « maraude »
Antsoina amin’ilay anaran’angoty hoe « la petite fée des soins », i Ursula, tonga tao amin’ny Grandir à Antsirabe izy ny volana janoary teo. Izy no ilay mpitsabo sy mpanara-maso ny fahasalam’ny ankizy miantrano ao amin’ny CHT sy mandritra ny maraude. Sady mpanasitrana ny ferin’ny ankizy : ara-batana aloha,fa koa(ary indrindra)ny fanahy (saina).
